ارضى باللى ربنا كتبهولك

"رضيت بالله ربا وبالاسلام دينا وبسيدنا محمد صلى الله عليه وسلم نبيا ورسولا"

الموضوع ده من خيالى انا او من تأليفى
هو عبارة عن لعبة بس فى الاسلام .............وده سبب اختيارى لمكانه
وهو الدين الاسلامى........ المهم
اللعبة متعلقة بالرضا
عايزة اسأل كل عضوة فى المنتدى سؤال.........انت راضية باللى ربنا عاملة فيك دايما...!؟
فاللعبة هى ان كل عضوة تدخل تجاوب على السؤال وتحكى موقف حصلها
زمش معقول فى حد مفيش حاجة حصلت معاه
انا عموما حصلى حاجات كتييييييييير اوى بس الحمد لله كنت بصمد مبثبت وبرضى بالله
بس مش هحكى حاجة غير لما اجد اى عضوة حكت قصتها مع صديق اليوم وهو (الرضا بالله )
منتظرة الرد على السؤال والحكاية والا ............هزعل اوى منكم
(وربنا يسترها معانا فى الامتحانات ) *الهم آآآآآآآآآآآآمين *

انا الحمد لله برضا بس حصل معايا موقف حسيت انى مش راضيه
يعنى مطلعتش الاولى فى المدرسه فحصل لى ده :rrrrrrrrrrrrry

يااااااااااااه ليه كده الرضا دا اهم شئ فى الكون
ما هو اكيد خير ليك لان ربنا بيحبنا ومش معقول هيعمل حاجة هتبقى مضرة ليك
فاستغفر ربنا واوعى تعملى كده تانى
انا وعدتكم انى هحكى لو حد منكن حكى ودلوقتى اميرة الاحلام حكت وانا هحكى
مع انى قصصى كتيييييييييييرة اوى عن الرضا بس هحكى حاجة واحدة بس
زى مثلا .........الامتحانات لما تكونى طلعة من الامتحان وترفضى انك تغشى مهما حصل
وتكونى متأكدة من كل اجاباتك بس تطلعى تراجعى مع اصحابك تكتشفى
ان الكلمة الفلانية انت شوفتيها غلط فعملتى اجابتها غلط وتلاقى واحدة تانية
غشت وتحل كل الامتحان صح وترضى وتحمدى ربنا .
يلا بقى مين تانى هيحكى
منتظرة حكايتكم

دى اكتر سنة تعبت فيها فى حياتى
لو طلعت ترتيب مش كويس هزعل جدا
وممكن لقول لية كدة ياربى انا تعبت وعملت اللى علية
بس ان شاء اللة
هستغفر ربنا واتوب الية
وافتكر كلامكم يا عضوات المنتدى

لااااااااااا انا مش موافقة على اللى انت قولتيه
مش لازم تتطلعى مركز السنة دى
يمكن ربنا مش كتبهالك السنة دى
لانه عاينلك حاجة احلى واجمل بكتير
فياريت لو محدش طلع ميزعلش ولازم يعرف ان ربنا هيجبله خير
احسن منها اصل يمكن لو طلعتى مركز حلو تتكبرى على اصحابك
وربنا مش عايزك تبقى كده فا مش يخليك تطلعى مركز حلو او متطلعيش خالص
او ممكن يكون معوضهالك فى اى حاجة زى مثلا
اصحابك يكونوا بيحبوك جدا ..مامتك راضية عنك...يكون ايمانك متفوق عن اللى
طالعين مراكز
فارضى مهما كانت الظروف اللى قدامك
وانا فرحانة انك هتفتكرى كلام المنتدى بتاعنا
نورتوا موضوعى

بجد كلامك جميل واعجبنى شخصيا
فالرضا فى القناعة
بس
انتى فعلا تستحقين لقب ملكة الاحساس
واتمنى من الجميع التوفيق دوما