تخليى لو انك رايحة تقابلى صاحبك وطبعا انت عمالة تتزينى وقدامك مجموعة من الميك اب كبيرة اوى .....وفجأة الباب خبط جريتى على العين السحرية تشوفى مين ولقيتى واحد جميييل اوى
ووشه منور قعدتى تسألى نفسك مين ده ؟ مين ده؟ فلقيته رسول الله صلى الله عليه وسلم
جى يشوف حالك عامل ازاى؟ وجاية تفتحى الباب خلاص
افتكرتى ....افتكرتى انه مش هينفع يشوفك بالبطلون الضيق ده ولا البدى اللى ماسك عليك ده
ولا الطارحة اللى مبينة شعرك او منزلة منها قصة او عملاها اسبنش
فروحتى تدورى على طرحة وجلبية تلبيسيها وفى الاخر وبعد وقت طويل لقيتى طرحة مامتك
اللى بتلبسها لما تيجى تصلى ولقيتى جلبية يعنى واسعة شوية
وجاية تفتحى نسيتى نسيتى البرفان اللى انت حطاه
لالالالالالالالالا بس الحمد لله مكنتيش لسه حطيتى طب كويس
جاية تفتحى ملقيتيش رسول الله ياللمفاجأة.....بس لقيته نازل على السلم ناديتى عليه
يا رسول الله انا هنا .....طلع رسول الله دخل بيتك ......فى ريحة مش طبيعية
يااااااا الله نسيتى السيجارة قايضة ........والموبايل رن ياااااااا الله ايه الرنة دى
وكنت اول مرة تسألى نفسك ازاى رنة موبايلى تبقى كده ازاى؟
كنسيلتى رن تانى قفلتيه تليفون البيت رن مش هتعرفى تهربى خالص
رديتى واذا بصديقك يستعجلك لكى تقابليه ........مفاجأة مش كده
انت طبعا هتفتكرى ان رسول الله صلى الله عليه وسلم هيغضب منك او وجهه هيحمر
لا احب ان اقول لك لأ مش هيعمل كده.........بل هيبكى هيبكى بحرقة وهيقولك
انا حاربت وضحيت بحياتى واتعذبت مش عشان تبقى كده هقابل ربنا ازاى وانت كده
هشفعلك بإيه.................مفاجأة مش كده
طب تخيلى بقى ....ان اللى جالك مش رسول الله بل..................ملك الموت
ملك الموت مش هيستنى مش هيخبط على الباب بل مش هيخليكى تعملى كل ده
وساعتها مش هينفع الندم ساعتها مش هيجى صديقك يشفعلك مش هيجى المغنى كذا
ويقف بجانبك ومش هتيجى الكوافيرة كذا تشفعلك
عايزاكى تتخيلى وتقولى هتعملى ايه .
ولكن تخيلى بقى فتاة مسلمة على حق الاسلام
جالها رسول الله هتفتح بسرعة هيدخل منزلها هيلاقى التالى
هيلاقى اناشيد دينية ...هيلاقى اصدقاء صالحات...هيلاقى حياتها مليئة بالايمان
ايه رأيك تخيلى كده هيعمل ايه ...
او تخيلى ان ملك الموت جالها هيبقى حالها ازاى يا ترى هتبقى روحها
من الروح الطيبة ولا الخبيثة .. ركزى اختى ركزى واختارى حياتك واصدقاء
وتختارى تحبى تروحى فين فى الاخرة تحبى تروحى جنة ولا ........
مش هكمل. ارجوك تخيلى
وانا منتظرة ردودكم على الموضوع وانا فعلا اللى كتباه
فاتمنى انكم تعدوا لى اخطائى منتظرة ردودكم